Search This Blog

Wednesday, December 23, 2009

ကဗျာရွတ်တဲ့ည

အခုလက်ရှိ စိတ်ထဲမှာ ရှိနေတဲ့ ခံစားချက်နဲ့ ကိုက်ညီနေတဲ့ ကဗျာ တစ်ပုဒ်ကို မှတ်မိသလောက် ပြန်ရွတ်ကြည့်မိပါတယ်။ လွန်ခဲ့တဲ့ ဆယ်နှစ်ကျော်က ဖတ်ဖူးခဲ့တဲ့ ကိုယောဟန်အောင်ရဲ့ ပျင်းရိဖွယ်ရာ ဆိုတဲ့ ကဗျာပါ။ ကိုယောဟန်အောင် ဆိုတာကတော့ ၁၉၈၈ ခုနှစ်က ကွယ်လွန်သွားခဲ့တဲ့ ဆေးတက္ကသိုလ် ၂ က ကျောင်းသားတစ်ယောက်ပါ။

ဘာလဲ
အခန်းကျဥ်းထဲ
သင်းကွဲခြံခတ်
ငတ်မွတ်မြည်တမ်း
လွမ်းတတ်သူလို
ငိုနေတာ မဟုတ်ဘူး....။

ငါဘာကို ချစ်ရမလဲ
ငါဘာကို မုန်းရမလဲ
ငါဘယ်သူ့ခြေလျှက်ရမလဲ

ခေါင်းကုတ်ဖွရင်း
စာတစ်ရွက်ချင်း
ပျင်းရိစွာလှန်လှော

ဦးနှောက် မှိုင်းခိုး တလိမ့်လိမ့်
တန်ခိုးရှင်တစ်ယောက်ရဲ့ အမိန့်နဲ့
ကိုယ့်ဘာသာကိုယ် ခြံခတ်နေရတဲ့
ပင့်ကူတစ်ကောင်ရဲ့ ဘဝဟာ
ပျင်းရိဖွယ်ရာ

ငါဆက်ပြီး
သည်းမခံနိုင်တော့...။

စတုတ္ထ အပိုဒ်ကတော့ မေ့နေလို့ မှတ်မိသလို ပြန်ရေးထားပါတယ်။ နောက်တစ်ခါတော့ ရာစုသစ်မြစ်ကျဥ်းထဲက ဆရာမ မေငြိမ်းရဲ့ ကဗျာ တစ်ပိုင်းတစ်စကိုလည်း စိတ်ထဲမှာ တီးတိုး ရေရွတ်နေမိပါတယ်။

ပန်းတွေကြွေ
လေပြေမတိုက်
မှောင်မိုက်တဲ့ည
ရှတတအချစ်... လွင့်နေ။

နောက်ထပ်ပြီး ရွတ်မိတာက မြန်မာစာ အုပ်စုထဲက အစ်ကိုကြီး တစ်ယောက်ရဲ့ ကဗျာပါ။ ရေးတဲ့သူ နာမည်တော့ မေ့နေပါပြီ။ ဟန်သစ် မဂ္ဂဇင်း က ကိုထိုက်တို့နဲ့ မတိမ်းမယိမ်း သူတို့ အုပ်စုထဲက တစ်ယောက်ဆိုတာပဲ မှတ်မိပါတယ်။

တိမ်တွေကမှောင်
ခြင်ထောင်တံခါးပေါက်
လပျောက်ပုန်းရှက်
သွေးသက် အလစ်စုတ်တဲ့
သေးနုတ်နုတ် အကောင်တွေ။

လောလောဆယ် ခြင်ထောင်ထောင်အိပ်စရာ မလိုပေမယ့် သူ့ကဗျာထဲက ရည်ညွှန်းထားတဲ့ ခြင်မဟုတ်ပေမယ့် သွေးစုတ်တတ်တဲ့ သေးနုတ်နုတ် ကြမ်းပိုးများနဲ့ နပန်းသတ်နေရပါတယ်။ နောက်တော့ ဆရာ မောင်သာနိုး ဘာသာပြန်ထားတဲ့ မာယာကော့ဖ်စကီးရဲ့ ဘောင်းဘီဝတ်မိုးတိမ်ထဲက ကဗျာ စာသား အချို့ကို သတိတရ ရေရွတ်နေမိပါတယ်။

မီးသတ်သမားတွေရေ
မင်းတို့ရဲ့ ဘွတ်ဖိနပ်ကြမ်းကြမ်းတွေကို သတိထားကြကွဲ့
မီးလောင်နေတဲ့ နှလုံးသားဆိုတာ
အနမ်းနဲ့ ငြှိမ်းမှ ရတယ်။

ငါ့ရင်ထဲမှာ အော်သံတစ်ခု ဝင်ရောက်နေထိုင်ပြုတယ် ဆိုတာနဲ့ စပြီး ငါအသံကုန်ခြစ် ဟစ်အော်လိုက်မှ ဖြစ်တော့မယ် ဆိုပြီး အဆုံးသတ်ထားတဲ့ အော်သံ ဆိုတဲ့ အစနဲ့ အဆုံးအပိုဒ်ပဲ မှတ်မိတော့တဲ့ ပို့စ်မော်ဒန် ကဗျာတစ်ပုဒ်ကိုလည်း မှတ်မိသလောက် ရွတ်လိုက်မိပါသေးတယ်။

ဘာရယ်မဟုတ်ပါဘူး။ တင်းကျပ်နေတဲ့ စိတ်တွေ လျော့သွားအောင် လှလှပပ ကဗျာလေးတွေ ရွတ်ကြည့်မိတာပါ။ ကဗျာ ချစ်တတ်တဲ့သူတွေနဲ့ မျှဝေခံစားချင်လို့ ပို့စ်တစ်ခု အနေနဲ့ တင်လိုက်ပါတယ်။

7 comments:

ကိုရင္ေနာ္ခင္ေလးငယ္ said...

ကိုဇက္တီ ရြတ္ေနတဲ့ ကဗ်ာေလးေတြ
ပါးစပ္ကေန ဖြဖြေလး လိုက္ရြတ္ၾကည့္မိသြားတယ္..

း)

ခင္မင္စြာခ်စ္ျခင္းအားျဖင့္..

ေကာင္းကင္ျပာ said...

တို႔လဲ ကဗ်ာ လာရြတ္ပါတယ္...

Anonymous said...

ဒါဆို ဘေလာ့ဂါ ေယာဟန္ေအာင္ ဆိုတာကေရာ မတူဘူးလား၊

Rita said...

ေကာင္းတယ္ေနာ္။
စကားေျပနဲ႔ စာရင္ ကဗ်ာကို ဖတ္ခဲေတာ့ ႀကိဳက္လဲ ႀကိဳက္ခဲတယ္။

ဝတၳဳလို မဂၢဇင္းလို တခုခုရရင္ အငမ္းမရ ဖတ္သေလာက္ ကဗ်ာဆုိ ေက်ာ္သြားၿပီး ေနာက္မွ ျပန္ဖတ္တာေပါ့ လုပ္တတ္တယ္။ ေနာက္က်ေတာ့လည္း မဖတ္ျဖစ္ေတာ့ျပန္ဘူး။

အမ်ားအားျဖင့္ေတာ့ ကဗ်ာကို ဖတ္ဖို႔ ပ်င္းတတ္တယ္။ ဒါေၾကာင့္ သိပ္လဲ မေရးျဖစ္တာ။

ၾကည္ျဖဴပိုင္ said...

ကဗ်ာရြတ္တာလာၾကည့္ျပီး
လိုက္ရြတ္သြားတယ္...ကိုဇီတက္
:D

ေရတမာ said...

ဟုတ္ပါ့ ေသးႏုတ္ႏုတ္အေကာင္ေတြကို မုန္းတယ္။ ေနာက္ဆံုးအပုိဒ္ကို သေဘာက်လုိက္တာ။ မီးေလာင္ေနတဲ့ ႏွလံုးသားကို အနမ္းနဲ႔ ျငွိမ္းမွရမယ္တဲ့။ အကိုလည္း ကဗ်ာေတြ ရြတ္တယ္ဆုိတာ သိသြားျပီ

PhotoVigor said...

Hello...visiting your blog..
Happy posting