Search This Blog

Tuesday, March 16, 2010

နိယာမတွေ မှားပြီလား

အခုတလော သူငယ်ချင်းတွေ ပို့ပေးတဲ့ အီးမေးလ်တွေထဲမှာ လောင်စာမဲ့ လျှပ်စစ်နည်းပညာ ဆိုတဲ့ မြန်မာတိုင်းမ်က သတင်း တစ်ပုဒ်ကို ဖတ်လိုက် ရပါတယ်။ အဲဒီ သတင်းကို ကျွန်တော် အစအဆုံး အခေါက်ခေါက် အခါခါ ဖတ်ပြီး ညာဏ်မီသလောက် အမျိုးမျိုးလှည့်ပတ် စဥ်းစားကြည့်မိပါတယ်။ ကျွန်တော် ကိုယ်တိုင်ကပဲ ပိန်းလွန်းသလား နည်းပညာကပဲ လိုက်မမီအောင် မြင့်နေသလားတော့ မသိပါဘူး။ အဲဒီနည်းပညာကို ကျွန်တော် ဘယ်လိုမှ သဘောမပေါက်နိုင်ပါဘူး။

ကျွန်တော်တို့ ရူပဗေဒကို စသင်တဲ့ အချိန်တုန်းက စွမ်းအင်တည်မြဲမှုနိယာမ (Law of Conservation of Energy) ဆိုတာ သင်ခဲ့ဖူးပါတယ်။ အဲဒီနိယာမမှာ စွမ်းအင် ဆိုတာ ဖန်တီးလို့မရ၊ ဖျက်ဆီးလို့မရ၊ စွမ်းအင် အသွင်တစ်မျိုးမှ အခြားတစ်မျိုးသို့ ကူးပြောင်း၍သာ ရသည်လို့ ဆိုထားပါတယ်။

အဲဒီလို စွမ်းအင် ပြောင်းလဲမှုတွေကို လေ့လာဖို့အတွက် ကားတစ်စီးရဲ့ ရွေ့လျားမှု ကို ဥပမာ အနေနဲ့ ကြည့်နိုင်ပါတယ်။ ကားတစ်စီးကို ရွေ့လျားဖို့အတွက် နည်းလမ်း အမျိုးမျိုး စဉ်းစားကြည့်လို့ ရနိုင်ပါတယ်။ ပထမနည်းလမ်းက ကားထဲကို လောင်စာဆီ ထည့်ပြီး မောင်းဖို့ပါ။ မော်တော်ကား အင်ဂျင် လည်ပတ်ဖို့အတွက် လောင်စာဆီကို အင်ဂျင်ထဲမှာ လောင်ကျွမ်း ပေါက်ကွဲ စေရပါတယ်။ အဲဒီလို လောင်စာဆီ လောင်ကျွမ်းတဲ့ အခါမှာ လောင်စာဆီထဲမှာ ပါတဲ့ဓာတု စွမ်းအင် (Chemical Energy) ကနေ အပူစွမ်းအင်(Heat Energy) အဖြစ် ပြောင်းလဲပြီး အင်ဂျင်ကို လည်ပတ်စေတဲ့ အရွေ့စွမ်းအင် (Kinetic Energy) ကို ဖြစ်စေပါတယ်။ နောက်တစ်နည်းကတော့ ကားကို လောင်စာဆီမထည့်ပဲ လူအားနဲ့ တွန်းလွှတ်ဖို့ပါ။ အဲဒီလို မော်တော်ကားကို လူအားနဲ့ တွန်းမယ်ဆိုရင် လူရဲ့ ခန္ဓာကိုယ်ထဲမှာ ရှိတဲ့ ဓာတုစွမ်းအင်ကနေ မော်တော်ကားကို ရွေ့လျားစေဖို့ အတွက် အရွေ့စွမ်းအင် အဖြစ် ပြောင်းလဲပေးတယ်လို့ မြင်နိုင်ပါတယ်။ တတိယမြောက်နည်းကတော့ မော်တော်ကားကို အမြင့်ကနေ လှိမ့်ချဖို့ပါ။ ဘယ်အရာဝတ္ထု ပဲဖြစ်ြဖစ် အမြင့်တစ်ခုမှာ ရှိနေတယ်ဆိုရင် ကမ္ဘာမြေရဲ့ ဆွဲအားကို ဆန့်ကျင် ထားရတဲ့အတွက် သူ့မှာ အတည်စွမ်းအင် (Potential Energy) ရှိနေပါတယ်။ အဲဒီတော့ အမြင့်ကနေ အနိမ့်ကို ဆင်းရင် အတည်စွမ်းအင် လျော့သွားပါတယ်။ တစ်နည်းအားဖြင့် ပြောရရင်တော့ မော်တော်ကားကို အမြင့်ကနေ့ အနိမ့်ကို လှိမ့်ချမယ်ဆိုရင် ကားမှာ ရှိပြီးသား အတည်စွမ်းအင်တွေက အရွေ့စွမ်းအင် အဖြစ် ပြောင်းလဲသွားတယ်လို့ မြင်နိုင်ပါတယ်။

အဲဒီတော့ ကျွန်တော်တို့ ခြုံငုံသုံးသပ်လို့ ရတာက စွမ်းအင်တစ်ခု ဖြစ်ဖို့အတွက် အခြားစွမ်းအင်တစ်ခု လိုအပ်ပါတယ်။ အဲဒီလို စွမ်းအင် အသွင်ပြောင်းတဲ့နေရာမှာမှ အကျိုးသက်ရောက်မှု (Efficiency) ဘယ်လောက် ရှိသလဲဆိုတာကိုလည်း ထည့်ပြီး စဥ်းစားရပါတယ်။ အကျိုးသက်ရောက်မှု ဆိုတာက ဝင်လာတဲ့ စွမ်းအင်နဲ့ ပြန်ထွက်သွားတဲ့ စွမ်းအင် ရဲ့ အချိုးအစားပါ။ သူ့ရဲ့ ညီမျှခြင်းက

Efficiency = Energy Output /Energy Input

လို့ ရေးလို့ ရပါတယ်။

ကမ္ဘာပေါ်မှာ ရှိတဲ့ ဘယ်စက်ကိရိယာ အမျိုးအစားမှ အကျိုးသက်ရောက်မှု ကို ရာနှုန်းပြည့်ဖြစ်အောင် မစွမ်းဆောင်နိုင် ပါဘူး။ ဘာဖြစ်လိုလဲ ဆိုတော့ စွမ်းအင်တစ်မျိုးကနေ အခြားတစ်မျိုးကို ပြောင်းတဲ့ နေရာမှာ မလိုလားအပ်တဲ့ အခြားစွမ်းအင်တွေ အနေနဲ့ လေလွင့်ဆုံးရှုံးမှု (Loss)တွေ အမြဲ ရှိတတ် ပါတယ်။ ဥပမာ အားဖြင့် မော်တော်ကား သွားတဲ့နေရာမှာ မလိုလားအပ်တဲ့ အပူစွမ်းအင်(Heat Energy)တွေ၊ အသံစွမ်းအင်(Sound Energy)တွေ ၊ တုန်ခါမှုကနေ လှိုင်းစွမ်းအင် (Wave Energy) တွေ ထွက်လာတတ်တဲ့အတွက် လောင်စာဆီက ထုတ်လိုက်တဲ့ ဓာတုစွမ်းအင်က အရွေ့စွမ်းအင် အဖြစ် ရာနှုန်းပြည့် ပြောင်းလဲ မသွားပါဘူး။ ရာခိုင်နှုန်း တချို့တဝက်သာ အရွေ့စွမ်းအင် အဖြစ် ပြောင်းလဲသွားပြီး ကျန်တဲ့ စွမ်းအင်တွေက မလိုလားအပ်တဲ့ အပူ၊ အသံ၊ လှိုင်းစွမ်းအင် တွေ အဖြစ် လေလွင့် ဆုံးရှုံးမှု ဖြစ်သွားပါတယ်။ အဲဒါကို ညီမျှခြင်း အနေနဲ့

Energy Input = Energy Output + Energy Loss
လို့ ရေးလို့ ရပါတယ်။

ကမ္ဘာပေါ်မှာ လိုအပ်နေတဲ့ စွမ်းအင်တွေ ရဖို့အတွက် စွမ်းအင် အသွင်တမျိုးကနေ အခြားတမျိုးကို ကူးပြောင်းခြင်း နည်းနဲ့ပဲ ရနိုင်ပါတယ်။ လျှပ်စစ်စွမ်းအင် (Electrical Energy) ရဖို့ အသုံးပြုတဲ့ နည်းတွေကို လေ့လာကြည့်ပါ။ ရေနွေးငွေ့သုံး ဘွိုင်လာမှာ ဆိုရင် အပူစွမ်းအင်(Heat Energy) ကနေ လျှပ်စစ်စွမ်းအင် အဖြစ် ပြောင်းပေးပါတယ်။ လောင်စာဆီသုံး မီးစက်တွေမှာ ဆိုရင် လောင်စာဆီကရတဲ့ ဓာတုစွမ်းအင်ကနေ လျှပ်စစ်စွမ်းအင် အဖြစ် ပြောင်းလဲပေးပါတယ်။ လေရဟတ်တို့ ရေရဟတ်တို့မှာ ဆိုရင် ရေစီးကြောင်း လေစီးကြောင်းတွေရဲ့ ရွေ့လျားမှုကလာတဲ့ အရွေ့စွမ်းအင် (Kinetic Energy) ကနေ လျှပ်စစ်စွမ်းအင် အဖြစ် ပြောင်းလဲပေးပါတယ်။ နျူကလီးယား ဓာတ်ပေါင်းဖိုမှာဆိုရင် နျူကလီယား စွမ်းအင် (Nuclear Energy) ကနေ လျှပ်စစ် စွမ်းအင်အဖြစ် ပြောင်းလဲပေးပါတယ်။ နေရောင်ြခည်သုံး လျှပ်စစ်ဓာတ်အားပေးစက်မှာ ဆိုရင်လည်း နေစွမ်းအင် (Solar Energy) ကနေ လျှပ်စစ်စွမ်းအင် အဖြစ် ပြောင်းလဲပေးပါတယ်။

စွမ်းအင်ဆိုတာ ဥုံဖွ ဆိုပြီး မန်းမှုတ်လိုက်လို့ လေထဲက နေ ရောက်လာတာမျိုး မဟုတ်ပါဘူး။ အခြားစွမ်းအင် တမျိုးကပဲ အသွင်ကူးပြောင်း လာတာပါ။ ယုတ်စွအဆုံး ဟိုတလောဆီက မြန်မာပြည်မှာ မဟာရွှေညာဏ်တော် စူးရောက်ပြီး နွားကနေ လျှပ်စစ်ထုတ်တယ်ဆိုတဲ့ ကုမ္ပဏီတောင်မှ နွားရဲ့ ရွေ့လျားမှုစွမ်းအင်တွေ ကနေ လျှပ်စစ်စွမ်းအင် အဖြစ် ပြောင်းလဲပေးတယ် ဆိုတာ မြင်နိုင်ပါတယ်။ ဒါပေမယ့် လေ့လွင့် ဆုံးရှုံးမှု မရှိတဲ့ စက်ကိရိယာ ဆိုတာ မရှိပါဘူး။ ကြာကြာမောင်းလို့ အပူချိန် တက်မလာတဲ့စက်၊ အသံမထွက်တဲ့စက်၊ တုန်ခါမှု လုံးဝမရှိတဲ့စက် ဆိုတာ ကမ္ဘာပေါ်မှာ မရှိသေးပါဘူး။ အဲဒီအတွက် စက်တိုင်းမှာ အပူစွမ်းအင်၊ အသံစွမ်းအင်၊ လှိုင်းစွမ်းအင်တွေက အလေအလွင့် အနေနဲ့ ထွက်လာတယ် ဆိုတာ သံသယ ဖြစ်စရာ မရှိပါဘူး။

ဒါဆိုရင် လောင်စာမဲ့ လျှပ်စစ်နည်းပညာ ဆိုတာနဲ့ ပတ်သက်ပြီး နည်းနည်းပါးပါး ဆန်းစစ်ကြည့်ရအောင်။ လောင်စာမဲ့ လျှပ်စစ်နည်းပညာမှာ သွင်းလိုက်တဲ့ စွမ်းအင်တွေကို အဆပွားနိုင်တယ် ဆိုရင် အဲဒီ ဆပွား သွားတဲ့ စွမ်းအင်တွေက ဘယ်က ရောက်လာတာလဲ။ စွမ်းအင်ဆိုတာ ဖန်တီးလို့ မရဘူးလို့ စွမ်းအင်တည်မြဲမှု နိယာမမှာ ဆိုထားပါတယ်။ အဲဒီအချက်သာ မှန်တယ်ဆိုရင် ကျွန်တော်တို့ နှစ်ပေါင်းရာနဲ့ချီပြီး ယုံကြည်လာခဲ့တဲ့ စွမ်းအင် တည်မြဲမှု နိယာမကြီး မှားနေပြီလို့ ပြောလို့ ရပါတယ်။ နောက်တစ်ချက်က ကမ္ဘာပေါ်မှာ ဘယ်စက်ကိရိယာမှ ရာနှုန်းပြည့် အကျိုးသက်ရောက်မှု (100% Efficiency) ဖြစ်အောင် မလုပ်နိုင်သေးတဲ့ အချိန်မှာ ရာနှုန်းပြည့်ထက် ၁၀ ဆလောက် ကျော်လွန်အောင် ဘယ်လိုများလုပ်ကြမလဲလို့ တွေးမရပါဘူး။ ကျွန်တော့် ညာဏ်လေး တထွာတမိုက်နဲ့ ညာဏ်မီအောင် စဥ်းစားကြည့်လို့ မရနိုင်ပါဘူး။

နိယာမဆိုတာ အမြဲတမ်း မှန်တယ်လို့တော့ မပြောလိုပါဘူး။ နယူတန် ရဲ့ ရွေ့လျားမှု ဆိုင်ရာ နိယာမတောင်မှ အလွန် သေးငယ်တဲ့ အရာ ဝတ္ထုတွေနဲ့ အလွန် ကြီးမားတဲ့ အရာဝတ္ထုတွေ အတွက် မှန်ကန်ခြင်း မရှိပါဘူး။ ဘယ်လိုပဲ ဖြစ်စေ စွမ်းအင်တည်မြဲမှု နိယာမကို ဆန့်ကျင်ပြီး စွမ်းအင်ကို ဖန်တီးယူလို့ ရနိုင်တယ် ဒါမှမဟုတ် အကျိုးသက်ရောက်မှု ကို ၁၀၀ ရာခိုင်နှုန်းထက်တောင် ကျော်လွန်အောင် လုပ်နိုင်တဲ့ စက်မျိုး တီထွင်နိုင်တယ် ဆိုရင်တော့ တီထွင်တဲ့သူ နိုဘယ်လ်ဆို တစ်ဆုထဲတင် မကဘူး အဲဒီနှစ်ချက်အတွက် နိုဘယ်လ်ဆု ၂ ဆုလောက် ရသင့်တယ်လို့ ကျွန်တော် မြင်ပါတယ်။

ကိုးကား။
http://www.myanmar.mmtimes.com/2010/upper/454/upper01.html

9 comments:

ShwunMi- said...

ဉာဏ္မမီဘူး ဆိုတာ ဝန္ခံပါတယ္ း)

ဧရာ said...

တကယ္သာ စြမ္းအင္ေတြကို ပြားယူႏိုင္ရင္ေတာ့ “ႏွစ္ဆတိုးတာဟာေလ က်ေနာ္တို႔ ဗမာ့တန္ခိုးပါဗ်” လို႔ ထႀကံဳး၀ါးလို႔ရၿပီ။ ျမန္မာျပည္ လွ်ပ္စစ္မီး အလွ်ံပယ္ သံုးႏိုင္ၿပီ။

PhotoVigor said...

wowww...wha ha ha ha ha ...ha ha :) :D.

Anonymous said...

ko ZT.
i m ur junior from your high school.
i think you might heard about the sayar puu zaw pwae on 28 March 2010.
i heard that they need more funds for teachers.

ကုိေပါ said...

ကုိဇက္တီေရ.....

အဲသည္လုိမ်ဳိးစက္ ေအာင္ျမင္စြာတီထြင္ႏုိင္ၿပီဆုိတဲ့သတင္းေတြ ႏုိင္ငံျခားမွာလည္း မၾကာမၾကာေပၚလာတတ္တယ္။ နည္းပညာကေတာ့ အမ်ဳိးမ်ဳိးပဲ။ ဒါေပမယ့္ သူတုိ႔အားလုံးမွာ တူတာ တခ်က္ေတာ့ ရွိသဗ်။ ဘာလဲဆုိရင္...

“တကယ္အလုပ္လုပ္တဲ့အထိျဖစ္ဖုိ႔ဆုိတာ ေငြေၾကး မ တည္မဲ့လူလုိေနတယ္။ ေငြေၾကးအရင္းအႏွီးလုိေနတယ္” ဆုိတာမ်ဳိးခ်ည္းပဲ။

ဘယ့္ႏွယ့္ဗ်ာ။ ဒီေလာက္ေကာင္းတဲ့စက္ႀကီး တီထြင္ထားတယ္ ဆုိၿပီး.... တကယ္အလုပ္လုပ္လုပ္တယ္ ဆုိတဲ့ေနာက္ သူမ်ားေတြကုိ ဘာလုိ႔ အစုရွယ္ယာေတြ ေခၚေနေတာ့မလဲ။ သက္ဆုိင္ရာမွာ မွတ္ပုံတင္ၿပီး ကုိယ္တုိင္လုပ္ေရာင္းေတာ့မွာေပါ႔။ ျဖစ္ရပ္တုိင္းမွာ ေသေသခ်ာခ်ာ စဥ္းစားၾကည့္ရင္ တကယ္ အလုပ္မလုပ္ေသးတဲ့စက္ေတြ ျဖစ္ေနတာကုိ ေတြ႕ရမယ္။

က်ေနာ္ကေတာ့ ဒီကိစၥကုိ “ေဘာ္ခ်က္”တယ္ (အႀကံအဖန္လုပ္တယ္)လုိ႔ပဲ ယူဆပါတယ္။ ဒီထက္နာေအာင္ေျပာရရင္ နားမလည္တဲ့လူေတြကုိ လိမ္စားခ်င္တာလုိ႔ ေျပာခ်င္ပါတယ္။

khin oo may said...

အခုေတာ႕ဘာသံမွ ဆက္မႀကားဘူး။

ေရႊရတုမွတ္တမ္း said...

မီးေတြထိန္ထိန္လင္းေတာ့မွာမို႔..သာဓုေခၚမယ္ၾကံကာရွိ ေသး...ကိုကိုZT ကေျပာေတာ့ အားငယ္သြားတာပဲ..

ကုိေပါ said...

ျဖစ္ႏုိင္တာတခုက....

ဒီလူဟာ ၁၂ ကီလုိဝပ္ အားရွိတဲ့ မီးစက္ကုိ နာရီဝက္(သုိ႔မဟုတ္) တနာရီ ေလာက္ၾကာေအာင္ ေမာင္းၿပီး ဘြဳိင္လာထဲမွာ ေရေႏြးေငြ႕ဖိအားမ်ားလာေအာင္ နီခ႐ုမ္းနန္းႀကဳိးေခြေတြကုိ အပူေပးမယ္။ ဘြဳိင္လာထဲမွာ သတ္မွတ္ထားတဲ့ ေရေႏြးေငြ႕ဖိအားရလာရင္ တာဘုိင္ဒလက္ေတြကုိ ေမာင္းၿပီး လွ်ပ္စစ္ဓါတ္အားထုတ္ယူမယ္။ အဲဒီအခ်ိန္မွာ ဘြဳိင္လာထဲရွိ ေရေႏြးေငြ႕ဖိအားရယ္၊ တာဘုိင္နဲ႔တြဲထားတဲ့ ဂ်င္နေရတာရဲ႕ ဝပ္အားအေပၚမွာရယ္မူတည္ၿပီး အထြက္ဖက္မွာ လွ်ပ္စစ္ကုိ ၁၂၀ ကီလုိဝပ္အား ထုတ္ယူဖုိ႔ ဆုိတာ ျဖစ္ႏုိင္ပါတယ္။ ဒါေပမယ့္ သတိျပဳရမွာက သူဟာ ၁၂ ကီလုိဝပ္ ပါဝါကုိ တစ္နာရီၾကာ စြမ္းအင္ေတြ ထည့္သြင္း ေမာင္းႏွင္ခဲ့ေပမယ့္ အထြက္ဖက္မွာ ၁၂၀ ကီလုိဝပ္ ထုတ္ယူတဲ့အခါမွာေတာ့ ၁ မိနစ္ခန္႔မွ်သာ ထုတ္ႏုိင္တာမ်ဳိးဆုိရင္ ဒါဟာ စြမ္းအင္႐ႈေထာင့္ကၾကည့္တဲ့အခါ အခ်ည္းႏွီးပဲ။ အဝင္နဲ႔အထြက္ တဒဂၤအတြင္းမွာ တုိင္းတာလုိ႔ရတဲ့ စြမ္းအားအခ်ဳိးအစားနဲ႔ ၾကည့္တဲ့အခါ စြမ္းအားေတြကုိ ဆပြားၿပီး ထြက္လာတယ္လုိ႔ ထင္စရာရွိပါတယ္။ အမွန္တကယ္မွာေတာ့ အဲဒီလုိမဟုတ္ဘူး။ ဘာမွ အက်ဳိးရလဒ္မရွိဘူး။ kWh ကီလုိဝပ္အာဝါ နဲ႔ တြက္ၾကည့္ရင္ သူ႕စက္ႀကီးဟာ လုံးလုံး အဓိပၸါယ္မရွိေတာ့ဘူး။

ဘာပဲျဖစ္ျဖစ္ ဒီပုဂၢဳိလ္ႀကီးကုိ အခုေခတ္မွာ ထုတ္ယူႏုိင္ဖုိ႔ ႀကဳိးစားေနၾကဆဲျဖစ္တဲ့ Fusion Power အေၾကာင္း ေျပာျပၿပီး အဲဒီနယ္ပယ္မွာ ပညာေတာ္သင္အေနနဲ႔ ေစလႊတ္ရရင္ ေကာင္းမယ္ထင္တယ္။

zonic said...

ဒီနည္းပညာနဲ႕ ကမၻာ့မူ ပုိင္ခြင့္ကို လွမ္းမယ္ဆိုပါလား..
hak hak ကိုယ့္အဆင့္ကိုယ္သိေပါ့ဗ်ာ......
ဒီေကာင္ေတြေတာ္ေတာ္အရွက္မရွိတာပဲဗ်ာ