Search This Blog

Wednesday, September 29, 2010

လူတိုင်းမသုံးတဲ့ မိုဘိုင်းဖုန်း

လွန်ခဲ့တဲ့ ၈ နှစ် ၉ နှစ် လောက်က မြန်မာနိုင်ငံက မဂ္ဂဇင်းတစ်အုပ်ထဲမှာ ကာတွန်းတစ်ပုဒ်ကို ဖတ်လိုက် ရပါတယ်။ ကာတွန်းထဲမှာ ရေးထားတာကတော့ "ကိုရီးယားကားတွေ အဓိပ္ပာယ် မရှိပုံများကွာ။ အလုပ်ကြမ်းသမားက ဟင်းန်ဖုန်း ကိုင်တယ်။" ဆိုပြီးတော့ပါ။ ကာတွန်းကို ဖတ်ပြီး စိတ်ထဲမှာတော့ ဟင်းန်ဖုန်းဆိုတာ အဆောင်အယောင် တစ်ခုအဖြစ် ရှိနေစေတဲ့ ကျွန်တော်တို့ တိုင်းပြည်ရဲ့ ဆက်သွယ်ရေးစနစ် အတွက် စိတ်မကောင်း ဖြစ်မိပါတယ်။ နိုင်ငံတကာမှာတော့ ဟင်းန်ဖုန်းဆိုတာ သန့်ရှင်းရေးသမားနဲ့ လမ်းဘေးက မြေကြီးသယ်တဲ့သူ အပါအဝင် လူတိုင်းလိုလို ကိုင်ကြတယ် ဆိုတာ အထူး ရှင်းပြနေစရာလိုမယ် မထင်ပါဘူး။

နိုင်ငံခြားသား မိတ်ဆွေများ မြန်မာနိုင်ငံက ဂျီအက်စ်အမ် SIM ကတ်ဒ် တစ်ကတ်ဒ် ရဲ့ တန်ဖိုးကို ကြားရင် ဟိုက်ရှာလပတ်ရည် အော်သွားကြတာ များပါတယ်။ တို့နိုင်ငံမှာ ဂျီအက်စ်အမ် SIM ကတ်ဒ် တစ်ကတ်ဒ် ယူအက်စ် ဒေါ်လာ ၂၀၀၀ လောက် ပေးရတယ် လို့ ပြောရင် မင်းတို့ဆီမှာ ဂျီအက်စ်အမ် ဆင်းမ် ကတ်ဒ်ကို ရွှေအစစ်နဲ့များ လုပ်ထား သလားကွာ လို့ တအံ့တသြ မေးကြပါတယ်။ အမှန်တကယ်တော့ ဂျီအက်စ်အမ် ဆင်းမ်ကတ်ဒ်ကို ရွှေအစစ်နဲ့ လုပ်ရုံမကလို့ ပလက်တီနံနဲ့ လုပ်ရင်တောင် အဲဒီလောက်အထိ ဈေးကြီးစရာ အကြောင်း မရှိပါဘူး။

မွေးဌာနီက ဂျီအက်စ်အမ် ဖုန်းများ အကြောင်းကို ကြားခါစက မယုံနိုင်ပါဘူး။ အိမ်ထဲမှာ ပြောမရလို့ လမ်းမထွက် ပြောရတယ်တို့၊ ပြောရင်း သစ်ပင်အောက် ရောက်သွားရင် ပြတ်သွားတယ်တို့၊ ဖုန်း ၂ လုံး ဘေးချင်းကပ် ခေါ်တာတောင် ဆက်သွယ်မှု ဧရိယာ ပြင်ပ ရောက်နေတယ်တို့ အခြားသူတွေ ပြောတာ ကြားရတော့ အစကတော့ နောက်နေတယ်ပဲ ထင်ပါတယ်။ ကိုယ်တိုင် ပြန်ရောက်မှပဲ သူများတွေ ပြောတာ အပိုမဟုတ် တကယ် မဟုတ်မှန်း သိရပါတယ်။

ကျွန်တော့်အနေနဲ့ မိုဘိုင်းဖုန်း တွေ ဝိုင်ယာလက်စ် ကွန်ယက်တွေ အကြောင်း သင်ဖူးဖတ်ဖူးထားတာ ဆိုတော့ ဂျီအက်စ်အမ် ကွန်ယက်က ဘယ်လို အလုပ်လုပ် သလဲ ဆိုတာ နည်းနည်းပါးပါး တီးမိ ခေါက်မိ ရှိပါတယ်။



ဂျီအက်စ်အမ် ကွန်ယက်မှာ ဆဲလ်လို့ ခေါ်တဲ့ ဆက်သွယ်မှု ဧရိယာ တစ်ခုချင်းစီအတွက် အထိုင် အင်တင်နာ စခန်း (Base Transceiver Station) တစ်ခုစီ ရှိပါတယ်။ အဲဒီလို အင်တင်နာ စခန်း တစ်ခုစီကနေ ၁ မိုင် ပတ်လည် ၂ မိုင်ပတ်လည် အစရှိတဲ့ အင်တင်နာ ရဲ့ ပတ်လည် ဧရိယာ အတွင်းမှာ ရှိတဲ့ ဖုန်းတွေကို ဆက်သွယ်ပေး ပါတယ်။ ဒါပေမယ့်လည်း အထိုင်စခန်း တစ်ခုကနေ ဆက်သွယ်ပေးနိုင်တဲ့ ဖုန်းအရေအတွက် ဟာ အကန့် အသတ် ရှိပါတယ်။ အဲဒီ အတွက်ကြောင့် အသုံးပြုတဲ့သူ များလာရင် အထိုင်စခန်း မှာ ရှိတဲ့ အင်တင်နာရဲ့ ပါဝါကို လျှော့ပြီး နောက်ထပ် အထိုင်စခန်း တစ်ခု ထပ်ထည့် ပေးရပါတယ်။ ဥပမာ ၁ မိုင်ပတ်လည်မှာ ဖုန်း အလုံး ၁၀၀ ကို ထိန်းနိုင်တယ် ဆိုကြပါစို့။ အဲဒီ တစ်မိုင်ပတ်လည် အတွင်းမှာ အသုံးပြုသူ ၁၀၀ မက ရှိလာပြီဆိုရင် အင်တင်နာရဲ့ ပါဝါကို တမိုင်ကနေ မိုင်ဝက်ကို လျှော့ချပြီး နောက်ထပ် မိုင်ဝက်အတွက် အထိုင်စခန်း တစ်ခု ထပ်ထည့်ပေးရပါတယ်။ အဲဒီလို မလုပ်ဘူး ဆိုရင် အထိုင်စခန်းက ဆက်သွယ်ပေးနိုင်တဲ့ ဖုန်းဆက်သွယ်မှု ပြည့်သွားတဲ့ အခါမှာ အဲဒီ အထိုင်စခန်း ပတ်ပတ်လည်မှာ ရှိတဲ့ တခြားဖုန်းတွေ အဆက်အသွယ် လုပ်လို့ မရတော့ပါဘူး။ အဲဒါကြောင့် ဆက်သွယ်မှု ဧရိယာ ပြင်ပ ရောက်သွား ရတာပါ။

အဲဒီတော့လည်း ဆက်သွယ်ရေးမှာ အလုပ်လုပ်တဲ့ အင်ဂျင်နီယာ မိတ်ဆွေများကို နည်းနည်းပါးပါး တီးခေါက်ကြည့်မိပါတယ်။ ရန်ကုန်မှာ အထိုင်စခန်းတွေကို ဘယ်လို စီမံခန့်ခွဲသလဲလို့ မေးကြည့်တော့ ဂျီအက်စ်အမ် စနစ် စပြီး ဆင်ကတည်းက ဒီအတိုင်းပဲ။ ထပ်ဖြည့်တာ မရှိဘူးလို့ ပြန်ဖြေပါတယ်။ ဟိုတလောကတော့ ရန်ကုန်မှာ အထိုင်စခန်းတွေ ထပ်တိုးတယ်လို့ သတင်းထဲမှာ ဖတ်လိုက်ရပါတယ်။ ဒါပေမယ့်လည်း ဆင့်ပါးစပ် နှမ်းပက်သလိုမျိုး ဖြစ်နေသလားလို့ စဥ်းစား မိပါတယ်။

နောက်တစ်ခုက ဂျီအက်စ်အမ် စနစ်နဲ့ ပတ်သက်ပြီး ဖုန်းပြောရင်း ပြတ်သွားတတ်တဲ့ အကြောင်းကို နည်းနည်း ရှင်းပြချင် ပါတယ်။ စင်ကာပူမှာတော့ ဖုန်းပြောရင်း ဖုန်းပြတ်သွားတာ ရထားစီးတဲ့သူများ ကြုံဖူးကြပါလိမ့်မယ်။ ရထားက လှိုဏ်ခေါင်းထဲ ဝင်သွားရင် ပြောနေတဲ့လိုင်း ရုတ်တရက် ပျောက်သွားတတ်ပါတယ်။ ပုံမှန်အားဖြင့် မိုဘိုင်းဖုန်းဆိုတဲ့ အတိုင်း ဟင်းန်ဖုန်းဟာ သွားရင်းလာရင်းပြောဖို့ ဒီဇိုင်း လုပ်ထားတာပါ။ အဲဒါကြောင့် အင်တင်နာ စခန်းတစ်ခုကနေ မိနိုင်တဲ့ ဧရိယာရဲ့ အစပ်မှာ အနီးဆုံး အခြား အင်တင်နာ စခန်း တစ်ခုကနေလည်း ဖမ်းမိနိုင်အောင် ဒီဇိုင်းလုပ်ထား ရပါတယ်။ အဲဒီတော့ သွားရင်းလာရင်း အင်တင်နာ စခန်းရဲ့ နယ်မြေစပ်ကို ရောက်သွားပြီဆိုရင် BSC (Base Station Controller) လို့ခေါ်တဲ့ အင်တင်နာစခန်းတွေကို ထိန်းချုပ်တဲ့ နေရာကနေပြီး လက်ရှိ သုံးနေတဲ့ အင်တင်နာ စခန်းကနေ အချက်ပြလှိုင်းအား ပိုကောင်းတဲ့ အနီးဆုံး အင်တင်နာ စခန်းကို လွှဲပြောင်းပေးပါတယ်။ အဲဒါကို နည်းပညာဆိုင်ရာ စကားလုံး အနေနဲ့တော့ Handoff လုပ်တယ်လို့ ခေါ်ကြပါတယ်။ အကယ်၍ ဖုန်းက ဘယ်အင်တင်နာ စခန်းမှ မမိတဲ့ ကြားထဲကနေရာကို ရောက်သွားမယ် ဆိုရင် ပြတ်သွားနိုင်ပါတယ်။ နောက်တစ်ချက် ဖြစ်နိုင်တာကတော့ လွှဲပေးရမယ့် အင်တင်နာ စခန်းမှာ သုံးစရာ လိုင်းအပို မရှိဘူး ဆိုရင်လည်း ဖုန်းက ပြတ်သွားနိုင်ပါတယ်။ အင်တင်နာစခန်း တစ်ခုက အချက်ပြလှိုင်း ရုတ်တရက် ပျောက်သွားပြီး အခြားအင်တင်နာ စခန်းတစ်ခုက အချက်ပြလှိုင်း ရုတ်တရက် ပေါ်လာတယ်ဆိုရင်လည်း BSC ကနေ ချက်ချင်း လွှဲမပေးနိုင်တဲ့အတွက် ဖုန်းပြတ် သွားနိုင်ပါတယ်။ ရထား လှိုဏ်ခေါင်းထဲဝင်တဲ့ အဖြစ်က နောက်ဆုံးက အဖြစ်မျိုးပါ။

ရန်ကုန် ရောက်တော့ ကမ်းရိုးတန်းဖုန်း ဆိုပြီး အခေါ်အဝေါ် အသစ်တစ်ခုကို ကြားရပါတယ်။ တကယ်တော့ အဲဒီစနစ်ကို နာဂစ်မုန်တိုင်း အပြီး ကမ်းရိုးတန်း ဒေသတွေမှာ စပြီး တပ်ဆင်တဲ့အတွက် ကမ်းရိုးတန်း ဖုန်းလို့ နာမည်တွင်တာပါ။ ကမ်းရိုးတန်းဖုန်းဆိုတာ ဘာလဲလို့ မေးကြည့်တော့ ဒဗလျူ စီဒီအမ်အေ လို့ ပြန်ပြောကြပါတယ်။ ကမ်းရိုးတန်း ဖုန်းကို လူကြိုက်မများဘူးလို့လည်း ပြောကြပါတယ်။ ဘာလို့လည်း မေးတော့ စီဒီအမ်အေ မို့လို့ မကြိုက်တာလို့ ပြောကြပါတယ်။ လက်ကိုင်ဖုန်းတွေ ထွက်ခါစက စီဒီအမ်အေနဲ့ ဂျီအက်စ်အမ် ဆိုပြီး နှစ်မျိုးနှစ်စား ထွက်ထားတော့ အခု ဒဗလျူ စီဒီအမ်အေ ဖုန်းတွေကိုလည်း စီဒီအမ်အေနဲ့ အမှတ်မှားနေကြပါတယ်။ အမှန်တကယ်တော့ ဒဗလျူ စီဒီအမ်အေ ဆိုတာ အခု နိုင်ငံတကာမှာ သုံးနေတဲ့ 3G လို့ အများသိထားကြတဲ့ ဖုန်းစနစ်ပါ။  မြန်မာပြည်မှာ 3G ထက် 2G ကို ပိုပြီး လူကြိုက်များတယ် ဆိုတဲ့ ကိစ္စကတော့ စဥ်းစားမရနိုင်အောင်ပါပဲ။ ကိုယ်မသိသေးတဲ့ အကြောင်းအချက် တွေလည်း ရှိချင်ရှိမှာပေါ့။ ဒါပေမယ့်လည်း ဗီဒီယိုဖုန်း ခေါ်လို့ မရ၊ ဒေတာ ဆားဗစ် သုံးလို့မရတော့လည်း ဒဗလျူ စီဒီအမ်အေလည်း ရိုးရိုးလိုင်းနဲ့ ဘာမှမထူးပါဘူး။

စီဒီအမ်အေ ဖုန်းစနစ်ရဲ့ ထူးခြားချက်က အဲဒီစနစ်မှာ ဂျီအက်စ်အမ် စနစ်လိုမျိုး အသုံးပြုသူ တစ်ယောက်ချင်းစီကို အသုံးပြုတဲ့ အချိန်မှာ ကြိမ်နှုန်းတစ်ခု သီးခြား ပေးထားတာ မရှိပါဘူး။ စီဒီအမ်အေ ဖုန်းက ကြိမ်နှုန်းတွေ အားလုံးပေါ်မှာ လျှို့ဝှက် ကုတ်ဒ်သင်္ကေတသုံးပြီး လှိုင်းတွေကို ဖြန့်ကျက် လွှတ်ထုတ် ပေးပါတယ်။ အဲဒီတော့ တခြားဖက်က လျို့ဝှက် ကုတ်ဒ်သင်္ကေတ ဆင်တူ ရှိတဲ့ ဖုန်းကနေပဲ ဒီလှိုင်းတွေကို အဓိပ္ပာယ် ပြန်လို့ ရပါတယ်။ ကြားက နေ ဖြတ်နားထောင်ဖို့ကတော့ ဖုန်းကုမ္ပဏီက အလိုတူအလိုပါ ပါဝင်မှပဲ ရပါမယ်။

ဒါဆို ဂျီအက်စ်အမ် ဖုန်းကရော ကြားဖြတ်နားထောင်လို့ ရသလားလို့ မေးပါလိမ့်မယ်။ ဂျီအက်စ်အမ် ဖုန်းကလည်း ကြားကနေ ဖြတ်နားထောင်ဖို့ မလွယ်ပါဘူး။ ဟိုးအရင်တုန်းက နာမည်ကြီးခဲ့တဲ့ နာမည်ကျော် ၂ ယောက်ရဲ့ စကားပြော ကက်ဆက်ခွေမှာ ဆယ်လူလာ ဖုန်းကို ကြားဖြတ်ဖမ်းထားတယ် ဆိုတဲ့ အချက်ကတော့ ဖြစ်နိုင်ပါတယ်။ အဲဒီတုန်းက သုံးနေတဲ့ ဆယ်လူလာ စနစ်က ဂျီအက်စ်အမ် စနစ်မဟုတ်ပါဘူး။ AMPS လို့ ခေါ်တဲ့ အစောပိုင်း ဆယ်လူလာ စနစ် တစ်မျိုးပါ။ အဲဒီ စနစ်မှာ အသံလှိုင်းတွေကို ရေဒီယိုလှိုင်းပေါ်ကနေ တိုက်ရိုက်လွှင့်တာ ကြောင့် ကြားကနေ အဲဒီ ရေဒီယိုလှိုင်းကို ဖြတ်နားထောင်မယ် ဆိုရင် ဖြစ်နိုင်ပါတယ်။ ဒါတောင်မှ ဖြစ်နိုင်မဖြစ်နိုင် မသေချာပါဘူး။ ဥပမာ အမေရိကန်လို နိုင်ငံမျိုးမှာ AMPS အတွက် သုံးတဲ့ ကြိမ်နှုန်းတွေက FM ရေဒီယို လွှင့်တဲ့ ကြိမ်နှုန်းတွေနဲ့ ၁၀ ဆလောက် ကွာတာမို့ FM ရေဒီယိုနဲ့ ကြားဖြတ်ဖမ်းဖို့ ဆိုတာ မလွယ်လှပါဘူး။

ဂျီအက်စ်အမ် စနစ်မှာတော့ TDMA လို့ ခေါ်တဲ့ အချိန်အပိုင်းအခြားဖြတ်ပြီး ထုတ်လွှင့်တဲ့ စနစ် သုံးထားတဲ့ အတွက် ခိုးနားထောင်ဖို့ မလွယ်လှပါဘူး။ ဥပမာ ပေးရရင် ဖုန်း ၅ လုံးက တပြိုင်တည်း ပြောနေတယ် ဆိုရင် အဲဒီဖုန်းငါးလုံးက ထွက်လာတဲ့ အသံလှိုင်းတွေကို ရေဒီယိုလှိုင်း တစ်ခုထဲမှာ အချိန်အပိုင်းအခြားနဲ့ ၅ ပိုင်းပိုင်းပြီး လွှင့်ပါတယ်။ လွှင့်ထုတ်ချိန် ၁ စက္ကန့် ရှိတယ် ဆိုရင် အသံလှိုင်းတစ်ခု စီအတွက် ရေဒီယိုလှိုင်းပေါ်မှာ ၀.၂ စက္ကန့် အပိုင်းအခြား ရှိတဲံ နေရာ တစ်နေရာစီ ရပါတယ်။ ဖုန်းတစ်လုံးထဲ ပြောနေတယ် ဆိုရင်တောင်မှ ၀.၂ စက္ကန့် အပိုင်းအခြားကိုပဲ သုံးပြီး ကျန်တဲ့အချိန် အပိုင်းအခြားကို ဘာမှ မလွှင့်ပဲ ထားပါတယ်။ အဲဒီလိုမျိုး အသံလှိုင်းတွေကို စုပေါင်းပြီးမှ လှိုင်းတစ်ခု အနေနဲ့ လွှင့်ပါတယ်။ မလွှင့်ခင်မှာလည်း အသံလှိုင်းကို အင်နာလော့ အနေနဲ့ မလွှင့်ပဲ ဒီဂျစ်တယ် လှိုင်း အဖြစ် ပြောင်းပါသေးတယ်။ ဒါကြောင့်မို့ ဂျီအက်စ်အမ် ဖုန်းကို ကြားဖြတ်ပြီး ရေဒီယိုနဲ့ နားထောင်ဖို့ ဆိုတာ သာမန်လူအတွက် မဖြစ်နိုင် သလောက် ပါပဲ။

နောက်ဆုံးတစ်ခေါက် ရန်ကုန်ပြန်တော့ ရန်ကုန်မှာ ဂျီအက်စ်အမ်ဖုန်းတွေ အတော် ပေါလာပါပြီ။ ဒါပေမယ့် အလုပ်ကြမ်းသမား ဟင်းန်ဖုန်း ကိုင်နိုင်တဲ့ အခြေအနေတော့ မရောက်သေးပါဘူး။ အဲဒီအချိန်ကို ဘယ်တော့များမှ ရောက်ဦးမလဲလို့ မေးကြရင်တော့ Don't Cry ကို မြန်မာမှုပြုထားတဲ့ ရင်ဂိုရဲ့ သီချင်းထဲကလို တစ်နေ့နေ့ပေါ့ မေရယ်။ စိတ်ရှည်လက်ရှည် စောင့်ကွယ် လို့ပဲ ဆိုပြရလိမ့်မယ် ထင်ပါတယ်။ 

(ပုံကတော့ ဘယ်က ကူးမိမှန်းမသိပါ။ Google ကနေ ရှာထားတယ်ပဲ ထားလိုက်ပါတော့။ :D )

15 comments:

Rita said...

ကာတြန္းဆရာက မသိလို႔ မဟုတ္ဘဲ ေလွာင္ၿပီးေရးထားတာလည္း ျဖစ္ႏုိင္ပါတယ္။
ထင္တာေျပာတာ။
=)

Anonymous said...

ကာတြန္းဆရာ အဲဒီေလာက္မည႔ံေလာက္ပါဘူး.. ရြဲ႕ေရးတာပဲ ျဖစ္မွာပါ...ကုိယ္႔ဆရာလဲ ဗမာျပည္မွာ မေနတာၾကာေတာ႔ ေရႊႏုိင္ငံက အထာေတြကို လိုက္မမွီေတာ႔ဘူးျဖစ္သြားတယ္ထင္တယ္.. :)

Anonymous said...

ကြန္ယက္ေတြ အေၾကာင္း ရွင္းျပထားတာ ဗပာုသုတ ရလို႔ ေက်းဇူးတင္ပါတယ္ ကိုZT

Anonymous said...

ကာတြန္းဆရာက သေရာ္တာပါ...
မသိလို႔ ေရးတယ္မထင္ဘူး

Vista said...

ကာတြန္းဆရာက သေရာ္ထားတာပါ။
ကိုဇက္တီက က်ေနာ္တို ့လို ကာတြန္းမခံစားတတ္
လို ့ေနပါလိမ့္မယ္။ း)
အလုပ္ၾကမ္းသမားေတာ့မကိုင္နိုင္ေသးပါဘူး ခုေတာ့ရန္ကုန္မွာ ဆိုက္ကားစီးရင္ ဖုန္းေျပာေနပါပီ။
အရင္တုန္းက အဲဒီလိုမ်ိဳးဆိုက္ကားစီးရင္း မိုဘိုင္းေျပာတာ ကို ကာတြန္းဆရာတစ္ေယာက္ေလွာင္ပီး ဆြဲဖူးတာမွတ္မိပါေသးတယ္။ ေမာင္ဝဏၰလို ့ထင္တာပါပဲ။

ZT said...

ကိုယ့္ဘာသာကုိယ္ေတာ့ အဲဒီေလာက္ မပိန္းဘူး ထင္တာပဲ။ တကယ္ ပိန္းေနရင္လည္း မသိဘူးေပါ့။ :D

sosegado said...

ေစ်းၾကီးမွာေပါ့၊ ကုိယ္ပုိင္ေတြမွမဟုတ္ပဲ၊ သူမ်ားဆက္ေၾကာင္းနဲ႔ လုပ္စားေနတာ၊
ဆယ္ေရာက္ေလာက္ေဝစားေတာ့ၾကီးၿပီေပါ့၊ အျမတ္ထြက္တာေတာ့ ရွန္ဟုိင္းဘဲလ္ႏွင့္ ဆင္းတယ္ပဲ၊

Law Shay said...

ယခု ဂ်ီအက္စ္အမ္ ျပင္ပေပါက္ေစ်း က်ပ္ ၉ သိန္းေက်ာ္ ျဖစ္ေနပါၿပီ

Anonymous said...

ဟုတ္ေလာက္ပါတယ္ ကာတြန္းဆရာက သေရာ္တာၿဖစ္ပါလိမ္ ့မယ္။

Anonymous said...

ကို ZT ကာတြန္းသိပ္ မဖတ္ဘူးနဲ႕တူတယ္.. ၿမန္မာၿပည္က ကာတြန္းဆရာေတြ သေရာ္္စာမွာ အင္မတန္ ညဏ္ထက္တာမသိလိုု႕ၿဖစ္မွာပါ.... တၿခားေရးထားတာေတြအရမ္းေကာင္းၿပီးတကယ္ဗဟုသုတရပါတယ္.. "ကာတြန္းကိုဖတ္ၿပီးနိုင္ငံတကာဗဟုသုတနည္းတဲ့ကာတြန္းဆရာကိုအၿပစ္မတင္ခၽင္ေတာ့ဘဲ...." ဆိုတာေလးပဲ ၿမန္မာၿပည္က ကာတြန္းသေရာ္္စာမွာဗဟုသုတနည္းတဲ့ ကို ZTကိုအၿပစ္မတင္ခၽင္ပါဘူးေလ.... :D

ZT said...

အဲဒီ ကာတြန္းက အခု လက္ရွိ အခ်ိန္မဟုတ္ဘူး။ အဲဒီအခ်ိန္က ျမန္မာျပည္မွာ စူပါတန္းဝင္ ရုပ္ရွင္မင္းသမီး တစ္ေယာက္က Handphone ကိုင္တာကို အင္တာဗ်ဴးမွာ ေရးၾကီးခြင္က်ယ္ လုပ္ျပီး ေျပာေနတဲ့အခ်ိန္၊ ဘတ္စ္ကားေပၚ ဖုန္းေျပာရင္ အထူးအဆန္း ဝိုင္းၾကည့္ခံရတဲ့ အခ်ိန္၊ နယ္မွာ လမ္းသြားရင္း ဖုန္းေျပာရင္လည္း လူဝိုင္းၾကည့္ခံရတဲ့ အခ်ိန္၊ ရန္ကုန္က Handphone မႏၱေလးကို သယ္ဖို႕ ရံုးမွာ ေလွ်ာက္လႊာတင္ရတဲ့ အခ်ိန္မ်ိဳးမွာပါ။

ကာတြန္းပံု မျမင္ရေတာ့ ေျပာရခက္တယ္။ ကြ်န္ေတာ္က ကာတြန္းပံုၾကည့္ျပီး ကာတြန္းဆရာ ကိုရီးယားကားကို သေရာ္ဖို႕ ၾကိဳးစားတယ္ လို႕ပဲ ျမင္တယ္။ ဆက္သြယ္ေရး စနစ္ကို သေရာ္တယ္လို႕ ျမင္လို႕ မရဘူး။ ကြ်န္ေတာ္ တစ္ေယာက္တည္း မဟုတ္ဘူး။ ကြ်န္ေတာ့္ သူငယ္ခ်င္းေတြလည္း အဲဒီကာတြန္း ဖတ္မိၾကလို႕ အဲဒီအေၾကာင္း ေျပာျပီး ကြ်န္ေတာ္တို႕ ရယ္ျဖစ္ၾကေသးတယ္။ ဖတ္မိသမွ်လူ အားလံုး သေဘာမေပါက္တာေတာ့ မျဖစ္ႏိုင္ေလာက္ဘူး။

ကြ်န္ေတာ္လား ကာတြန္းမဖတ္မွာ။ ကာတြန္းက ဖတ္ရတဲ့ အထဲမွာ အေပါ့ပါးဆံုးပဲ။ ၁၉၉၀ ကေန ၉၈ ေလာက္အထိ လစဥ္ ထြက္သမွ် မဂၢဇင္း အားလံုးနီးပါး တျခား ဘာမွ မဖတ္ရင္ေန။ ကာတြန္းေတာ့ အနည္းဆံုး ဖတ္ျဖစ္တယ္။

Anonymous said...

ဟုတ္ကဲ့ပါ..အဲ့ဒီလိုဆိုရင္ေတာ့အဲဒီလိုလဲၿဖစ္နိုင္ပါတယ္.. ေတာ္ေတာ္ရွည္ရွည္ ၿပန္ရွင္းၿပထားလို႕လဲေက်းဇူးပါ..
ကာတြန္းဆရာဘက္ကမေနနိုင္မထိုင္နိုင္ ဝင္ေၿပာမိတာပါေလ..:D

ZT said...

ကြ်န္ေတာ္လည္း မျငင္းရ မေနႏိုင္လို႕ပါ။ :D

Anonymous said...

ဒါဆိုရင္ေတာ႔ ကိုဇက္တီက ျပန္သာသြားျပန္ျပီ.. က်ေနာ္ေတာင္ ရန္ကုန္မွာေနျပီး အဲဒါေတြ မသိဘူး.. ရန္ကုန္ကဖုန္းမန္းေလးကို သယ္ဖုိ႔ ေလွ်ာက္လႊာတင္ရတယ္လို႔. ေဟးေဟး.. ဟန္းဖုန္းဆိုတာကို စသိတာနဲ႔ ႏိုင္ငံျခားမွာ လူတိုင္းကုိင္ႏုိင္တာကိုလဲ တန္းသိလို႔ပါ.. ကိုဇက္တီလဲ စယ္လီဘရယ္တီကိတ္စေတြ ဖတ္တာပဲ.. အင္တာဗ်ဴးမွာ မင္းသမီးဟန္ဖုန္းကိုင္တာကို ေရးၾကီးခြင္က်ယ္လုပ္ေျပာတယ္တဲ႔..အံ႔ေရာ...:D

ေခ်ာ(အစိမ္းေရာင္လြင္ျပင္) said...

ဖုန္းေတြအေၾကာင္းေတာ႕ စိတ္၀င္စားတယ္
ခုလိုရွင္းျပတာ ေက်းဇူး
မဟုတ္ရင္ တစ္အိမ္တည္းကေန ဆက္တာေတာင္ ဆက္သြယ္မႈ ဧရိယာျပင္ပေရာက္ေနတယ္ဆိုလို႕ ထူးဆန္းအံ႕ၾသေနမိရတယ္..
ခုလိုေတာ႔လည္း ရွင္းပါျပီ။
အင္မတန္ေကာင္းမြန္တဲ႕ ဆက္သြယ္ေရးစနစ္ကို ရထားတာ ဂုဏ္ယူစရာ း)